Kinders so jonk as vier moet raad gegee word oor die gevare van pornografie, volgens skoolhoofde. Afgevaardigdes by die Nasionale Vereniging van Hoofonderwysers (NAHT) se konferensie in Birmingham het gewaarsku dat kinders van hul onskuld beroof word deur seksueel eksplisiete materiaal op die internet sowel as op televisie, wat dikwels voor die 21:00-waterskeiding vertoon word. Die oproep het gekom omdat 'n opname onder ouers getoon het dat vier uit 10 graag wil hê dat hul vyfjariges lesse oor die hantering van pornografie kry, op dieselfde tyd as wat hulle leer hoe om die internet te gebruik. Oor internetpornografie het Steve Watkins, hoofonderwyser van die Millfield-laerskool in Leeds, gesê skole moet met kleuterskoolkinders praat oor “dinge wat nie daar behoort te wees nie” as hulle per ongeluk toegang tot materiaal verkry het. Russell Hobby, hoofsekretaris van die NAHT, het bygevoeg: "Jongmense moet teen pornografie beskerm word en kinders moet toepaslike leiding ontvang as deel van seks- en verhoudingsopvoeding."

Bid: vir die beskerming van ons kinders en vir die media om 'n strenger en verantwoordeliker benadering tot programmering aan te neem. (Spr.8:32)

Meer: http://www.independent.co.uk/news/education/education-news/headteachers-want-fouryearolds-to-betaught-about-dangers-of-porn-8622991.html