Geestelikes aangesê om die 'nuwe ateïste' aan te vat
Die Kerk van Engeland sal hierdie week belowe om 'nuwe ateïsme' te beveg in 'n poging om die opkoms van sekularisme te bekamp en die Christendom in Brittanje te verdedig. Geestelikes moet aangemoedig word om meer uitgesproken te wees in die stryd teen die argumente wat aangevoer word deur 'n meer geharde groep ateïste soos Richard Dawkins en Christopher Hitchens, wat hulle beywer het vir 'n minder verdraagsame houding teenoor godsdiens. 'n Verslag onderskryf deur dr Rowan Williams, die aartsbiskop van Canterbury, waarsku dat die Kerk 'n stryd in die gesig staar om te voorkom dat geloof as ''n sosiale probleem' gesien word en sê die volgende vyf jaar gaan 'n tydperk van 'uitsonderlike uitdaging' wees. Dit spreek kommer uit dat Christene vyandigheid by die werk in die gesig staar en sê die Kerk kan sy plek in die middel van die openbare lewe verloor, tensy dit pogings uitdaag om godsdienstige geloof te marginaliseer.
Bid: vir 'n nuwe visie om 'n sterk toekoms vir die Kerk te verseker. (Hand.18:9)