Vyf denominasies het 'n koalisie gevorm om hul gedeelde bekommernisse tydens die konferensieseisoen met die drie hoofpartye te opper. Die koalisie word gevorm uit senior leiers van die Baptiste Unie van Groot-Brittanje, die Metodiste Kerk, die Kwakers, die Heilsleër en die Verenigde Gereformeerde Kerk. Hulle hoop om die Regering se Big Society-inisiatief, bekostigbare behuising en armoede op die agenda te hou wanneer hulle die konferensies van die Liberaal-Demokratiese, Arbeiders- en Konserwatiewe partye gedurende September en Oktober bywoon. Hierdie denominasies moedig lede van die publiek aan om die bykomende geleenthede by te woon wat hulle en Christelike politieke genootskappe saam met elkeen van die konferensies aanbied. Ds Martyn Atkins, Algemene Sekretaris van die Metodiste-konferensie het gesê: 'Sommige mense glo dat politici nie 'God doen' nie en dat die kerke nie by die politieke lewe betrokke moet raak nie. Ons afvaardiging demonstreer dat die kerke die roeping waardeer van diegene wat werk om ons samelewing deur die politieke lewe te verbeter'.

Bid: dat ons politici ons Christelike waardes in ag sal neem wanneer verandering beplan word. (Ps.103:6)

Meer: http://www.christiantoday.com/article/churches.form.coalition.at.party.conferences/26752.htm