Church Action on Poverty en Oxfam het gevra vir 'n parlementêre ondersoek na die opkoms van voedselarmoede in die VK. Die twee liefdadigheidsorganisasies sê dat meer as 'n halfmiljoen mense in die VK honger is en op voedselhulp afhanklik is, met baie wat hulle tot voedselbanke wend. Veranderinge aan welsyn en vertragings, foute of sanksies met betrekking tot die betaling van voordele is twee areas waarna die ondersoek wil kyk. In 'n gesamentlike verslag, Walking the Breadline, sê die twee liefdadigheidsorganisasies die algemeenste rede waarom mense voedselbanke nader, is die veranderinge aan die reëls vir die geskiktheid van krisislenings, vertragings in betalings, sanksies vir werksoekerstoelae en herbeoordeling van siektevoordeel. Ander bydraende faktore wat in die verslag geïdentifiseer is, is werkloosheid, die stygende koste van voedsel en brandstof, en lae en dalende inkomste. Oxfam se uitvoerende hoof, Mark Goldring, het gesê: “Die skokkende werklikheid is dat honderde duisende mense in die VK ook nou op voedselhulp aangewese is.

Bid: vir almal wat voedselarmoede ondervind en vir die organisasies wat hulle ondersteun. Bid ook dat die regering sal instem tot 'n parlementêre ondersoek. (1 Joh.3:17)

Meer: http://www.christiantoday.co.uk/article/charities.want.parliamentary.inquiry.into.uk.food.poverty/32616.htm